Հայաստանի և Ադրբեջանի միջև սահմանի սահմանազատման պետական հանձնաժողովների կարգավորման վերաբերյալ ՀՀ սահմանադրական դատարանի որոշումը նշանակում է երկրի հիմնական օրենքում Ադրբեջանի դեմ տարածքային պահանջների բացակայություն, ԱՊՀ պետությունների ղեկավարների խորհրդի նիստին հայտարարել է ՀՀ վարչապետ Նիկոլ Փաշինյանը։
Նա նաև վերահաստատել է Ադրբեջանի հետ արդեն համաձայնեցված հոդվածներով խաղաղության պայմանագիր կնքելու Երևանի պատրաստակամությունը։ Վարչապետը հայտնել է, որ այս ամսվա ընթացքում Հայաստանի խորհրդարանը կքննարկի փաստաթղթի վավերացման հարցը։
«Կարևոր է նշել, որ ՀՀ ՍԴ-ն արդեն հաստատել է ստորագրված կանոնակարգի համապատասխանությունը ՀՀ սահմանադրությանը, ինչը նշանակում է, որ Ալմա-Աթայի հռչակագրի հիման վրա Հայաստանի կառավարության կողմից Ադրբեջանի տարածքային ամբողջականության ճանաչումը, ինչը ենթադրում է Խորհրդային Ադրբեջանի ողջ տարածքը, սահմանադրական է, ինչն, իր հերթին, նշանակում է, որ Հայաստանի սահմանադրության մեջ Ադրբեջանի կամ որևէ այլ երկրի հանդեպ տարածքային պահանջներ չկան»,- ասել է Հայաստանի վարչապետը։
Փաշինյանը կրկնել է Հայաստանի իշխանությունների առաջարկը՝ խաղաղության պայմանագիր կնքել Բաքվի հետ արդեն համաձայնեցված հոդվածներով։ Նա ընդգծել է, որ հայկական կողմը պատրաստ է այս ամիս ստորագրել այդ փաստաթուղթը, և սա նրա պաշտոնական դիրքորոշումն է։
Վերջին ամիսներին Ադրբեջանը հայտարարում է, որ Հայաստանի հետ խաղաղության պայմանագիր կնքելու պայմանը երկրի Սահմանադրության փոփոխությունն է, մասնավորապես, դրանից հանել Անկախության հռչակագրի հղումը, որտեղ ասվում է, որ Հայաստանի անկախությունը հռչակվում է՝ ելնելով ՀԽՍՀ Գերագույն խորհրդի և Լեռնային Ղարաբաղի Ազգային խորհրդի Հայաստանի և Լեռնային Ղարաբաղի վերամիավորման մասին համատեղ որոշումից։ Բաքուն նաև բազմիցս մերժել է համաձայնեցված հոդվածներով խաղաղ պայմանագիր կնքելու Երևանի առաջարկը։
Հայաստանի Սահմանադրական դատարանը սեպտեմբերի վերջին հաստատել էր հայ-ադրբեջանական սահմանի սահմանազատման հանձնաժողովների համատեղ գործունեության կանոնակարգը։ Ավելի ուշ Սահմանադրական դատարանի կայքում հրապարակվել էր որոշման ամբողջական տեքստը, որում դատարանը մեկնաբանել էր այն հարցը, թե արդյոք Հայաստանի Անկախության հռչակագրի որոշ դրույթներ սահմանադրական ուժ ունե՞ն։ Դատարանը նշել էր, որ նման ճանաչումը հղի է «սահմանադրական երկիշխանությամբ»։
Սահմանադրական դատարանի որոշման տեքստում ասվում էր, որ այս եզրահանգումն այլևս վերացնում է Հռչակագրի նախաբանում ամրագրված «հիմնվելով 1989 թվականի դեկտեմբերի 1-ի «Հայկական ԽՍՀ-ի և Լեռնային Ղարաբաղի վերամիավորման մասին» Հայկական ԽՍՀ Գերագույն խորհրդի և Լեռնային Ղարաբաղի Ազգային խորհրդի համատեղ որոշման վրա» դրույթի վերաբերյալ՝ սույն որոշման 2-րդ կետում նշված հարցի լուծման համար հետագա քննության անհրաժեշտությունը»։
