Եմենի հյուսիսում իշխող «Անսար Ալլա» (հուսիթներ) շիական շարժումը հայտարարել է, որ բալիստիկ հրթիռներով հարվածներ է հասցրել Իսրայելի հարավում գտնվող Էյլաթ քաղաքի թիրախներին, գրել է «Ռիա Նովոստին»՝ հղում անելով շարժման հայտարարությանը։
Հուսիթները նաև բալիստիկ հրթիռների և անօդաչու թռչող սարքերի միջոցով հարձակվել են Կարմիր ծովում գտնվող ամերիկյան Pumba նավի վրա, ասված է հրապարակման մեջ։
Իսրայելի պաշտպանության բանակն (ՑԱԽԱԼ) ավելի ուշ Գազայի հատվածի հարավում պաղեստինյան ՀԱՄԱՍ շարժման ենթակառուցվածքային օբյեկտներ է ոչնչացրել։
«ՑԱԽԱԼ-ի ուժերը հայտնաբերել և ոչնչացրել են այդ շրջանում ահաբեկչական ենթակառուցվածքի օբյեկտները՝ ներառյալ հրաձգության համար պատրաստ ականանետային արկերը»,- հայտնել է բանակի մամուլի ծառայությունը։
Հուլիսի 19-ին հուսիթներն անօդաչու թռչող սարքի կիրառմամբ հարված էին հասցրել Թել Ավիվին։
