Հայաստանի Հանրային ծառայությունների կարգավորման հանձնաժողովը նախատեսում է հաստատել «ՄՏՍ Արմենիա» օպերատորի վաճառքի գործարքը։ Համապատասխան որոշման նախագիծը հրապարակվել է հաձնաժողովի կայքում։ Հարցը կքննարկվի նոյեմբերի 15-ի հանձնաժողովի նիստի ժամանակ։
ՀԾԿՀ հաղորդմամբ, «ՄՏՍ Արմենիա» ընկերությունը դիմել է, որպեսզի հանձնաժողովը հաստատի Կիպրոսում գրանցված «Ֆեդիլկո Գրուպ Լիմիթեդ» ընկերության կողմից «Առամայո Ինվեսթմենթս Լիմիթեդ» ընկերությունից (նույնպես գրացված Կիպրոսում) «ՄՏՍ Արմենիա» օպերատորի 100% բաժնեմասերի գնման գործարքը։
Նշվում է, որ գործարքի արդյունքում ընկերությունն այլևս չի լինի MTS խմբի անդամ։ Փաստաթղթի համաձայն՝ ՀՀ բարձր տեխնոլոգիական արդյունաբերության նախարարությունը հանձնաժողովին տեղեկացրել է, որ գործարքի առնչությամբ առարկություններ չունի, ԱԱԾ-ն նույնպես ընկերության վաճառքի վերաբերյալ մեկնաբանություն չունի։
