Հայաստանում ԵՄ առաքելությունը հերքել է ինքն իրեն և հայտարարել Հայաստանի և Ադրբեջանի սահմանին իր դիտորդների պատասխանատվության գոտում գնդակոծության մասին։ Ով է կրակ բացել, առաքելությունը չի մանրամասնել։
«Մենք հաստատում ենք, որ ԵՄ առաքելության պարեկը ներկա է եղել կրակոցների միջադեպին մեր պատասխանատվության գոտում։ Առաքելության ոչ մի անդամ չի տուժել»,- ասվում է առաքելության X-ում տարածված հաղորդագրության մեջ:
Ավելի վաղ ՀՀ ՊՆ-ն հայտնել էր, որ Ադրբեջանի ԶՈւ-ն կրակել է ԵՄ դիտորդների և նրանց ավտոմեքենայի ուղղությամբ, որից հետո ՀՀ-ում ԵՄ դիտորդական առաքելությունը հերքել էր ՀՀ ՊՆ-ի տեղեկությունը՝ հայտնելով, որ ՀՀ-ում ԵՄ դիտորդական առաքելության որևէ պարեկ կրակոցի թիրախում չի հայտնվել։
