Օգոստոսի 25-ին Ալեքսանդր Սպենդիարյանի անվան օպերայի և բալետի ազգային ակադեմիական թատրոնում հայ երգիչ, երգահան Հայկո՝ Հայկ Հակոբյանի 50-րդ հոբելյանին նվիրված համերգ կլինի։
Համերգը կրում է «Սիմֆոնիկ Հայկո» խորագիրը։
Համերգը տեղի կունենա Հայաստանի պետական սիմֆոնիկ նվագախմբի մասնակցությամբ։ Գեղարվեստական ղեկավարը և դիրիժորը ՀՀ վաստակավոր արտիստ Սերգեյ Սմբատյանն է։
Հայկոն մահացել է 2021 թվականի սեպտեմբերի 29-ին։ Հայկոն ծնվել է 1973 թվականի օգոստոսի 25-ին։ Նա վարակվել էր կորոնավիրուսով, վիճակը ծայրահեղ ծանր էր, երկար ժամանակ բժիշկները պայքարում էին նրա կյանքի համար։
