Lոնդոնում տեղի է ունենում Մեծ Բրիտանիայի թագավոր Չարլզ 3-րդի թագադրման հանդիսավոր արարողությունը: Միջոցառումը ցուցադրվում է ուղիղ եթերով, հայտնում է CNN-ը։
Նշվում է, որ աշխարհի տարբեր մասերից մեծ բազմություն է հավաքվել նաև Լոնդոնում՝ հետևելու պաշտոնական արարողությանը։
Չարլզը 3-րդ հաջորդում է իր մորը՝ Եղիսաբեթ թագուհուն: Նա մահացել է 2022 թվականի սեպտեմբերին:
Աղբյուրը հայտնում է, որ արքայազն Հարին ժամանել է թագավորական ընտանիքի անդամների առաջին խմբի հետ։ Նա ներկա է առանց իր կնոջ՝ Մեգանի և նրանց երեխաների, որոնք մնացել են ԱՄՆ-ում։ 
Իսկ ահա Ուելսի արքայազնը և արքայադուստրը՝ Ուիլյամը և Քեյթը, ժամանել են ամբողջ ընտանիքով։ 
74-ամյա Չարլզը կդառնա Մեծ Բրիտանիայի ամենատարեց միապետը, ում գլխին կդնեն Սուրբ Էդվարդի՝ 360 տարեկան թագը: Նրա երկրորդ կինը՝ 75-ամյա Կամիլան, արարողության ժամանակ թագադրվելու է թագուհի:
Չարլզ 3-րդը թագադրվեց: 
