Երկրի վրա կարող է նոր օվկիանոս առաջանալ, գրում է Economic Times-ը: Դա տեղի կունենա, քանի որ Աֆրիկայի մայրցամաքի երկու մասերը շարունակում են բաժանվել: Այն երկրները, որոնք ելք չունեն դեպի ծով (օրինակ՝ Զամբիա և Ուգանդա), կկարողանան ձեռք բերել իրենց սեփական ափամերձ գծերը։ Գիտնականների կարծիքով՝ գործընթացը տեղի կունենա միլիոնավոր տարիների ընթացքում։
Ապագա օվկիանոսի պատմությունը սկսվել է 2005 թվականին՝ Արևելյան Աֆրիկայի խզվածքի երեք տեկտոնական թիթեղների (Նուբիական, Սոմալիական և Արաբական) սահմանին ձևավորմամբ։
Մեծ Բրիտանիայի Լիդսի համալսարանի դոկտորանտ Քրիստոֆեր Մուրը հայտնել է. «Դա երկրի վրա միակ տեղն է, որտեղ կարելի է ուսումնասիրել, թե ինչպես է մայրցամաքային խզվածքը դառնում օվկիանոսային խզվածք«: Նմանատիպ տեկտոնական տեղաշարժեր են տեղի ունեցել Կարմիր ծովի և Ադենի ծոցի ձևավորման ժամանակ։
Ծովային երկրաֆիզիկոս և Կալիֆոռնիայի համալսարանի պատվավոր պրոֆեսոր Քեն Մաքդոնալդը ասում է. «Քանի որ մենք ավելի ու ավելի շատ չափումներ ենք ստանում GPS-ի համար, մենք կարող ենք ավելի լավ հասկանալ, թե ինչ է կատարվում»: GPS տվյալները ցույց են տվել, որ արաբական պլատֆորմն հեռանում է Աֆրիկայից տարեկան մեկ դյույմ (մոտ 2,5 սմ) արագությամբ: Մակդոնալդը հավելել է, որ Արևելյան Աֆրիկայի մի մասը կդառնա առանձին մայրցամաք:
