Արգենտինայի հավաքականի հարձակվող և ավագ Լիոնել Մեսսին նշել է, թե որոնք են աշխարհի 2022 թվականի առաջնության ֆավորիտները՝ իր կարծիքով։ Այս մասին հայտնում է OLE-ն։
«Բրազիլիայի հավաքականը շարունակում է մնալ ֆավորիտներից մեկը՝ չնայած Կամերունից կրած պարտությանը: Նաև Ֆրանսիան։ Իսպանիան շատ լավ է խաղում, թեև ամեն ինչ բարդ ստացվեց։ Բայց նրանք դուրս եկան փլեյ-օֆֆ՝ հստակ հասկանալով, թե ինչ են անում, երբ խաղի երկար ժամանակ տիրում են գնդակին»,- ասել է Մեսսին։
Արգենտինայի հավաքականը ԱԱ-2022-ի 1/8 եզրափակչի խաղում 2։1 հաշվով հաղթել է ավստրալացիներին։ Մրցակիցների դեմ առաջին գոլը 35-րդ րոպեին խփել է Լիոնել Մեսսին, ում համար այդ խաղը 1000-րդն էր պրոֆեսիոնալ կարիերայում։
Աշխարհի առաջնության քառորդ եզրափակիչ փուլում արգենտինացիները կխաղան Նիդերլանդների հավաքականի հետ։ Հանդիպումը կկայանա դեկտեմբերի 9-ին։
