Երևանի կոնյակի գործարանի «Արարատ» թանգարանում տեղի ունեցավ Սաթի Սպիվակովայի «Իրական դասական» գրքի շնորհանդեսը։ Այս մասին հայտնում է Newmag-ը։
Մինչ գրքի ներկայացումը, թատրոնի և կինոյի դերասանուհի, հեռուստահաղորդավարուհի Սպիվակովան շրջել, ծանոթացել է ARARAT Museum-ի բացառիկ արտադրանքին:
Գրքի շնորհանդեսին ներկա էին դեսպաններ, անվանի հասարակական դեմքեր, մշակութային գործիչներ:
Սաթի Սպիվակովան պատմել է բացառիկ դրվագներ իր զրուցակիցների հետ հանդիպումներից, սուր հարցադրումների, ջերմ հիշողությունների, մեկ տասնամյակի բացառիկ հարցազրույցները մեկ ժողովածուում ամփոփելու մասին:
Ավելի վաղ Armenia Today-ը հայտնել էր, որ Սպիվակովան Երևանում է։
