Հավաքական անվտանգության պայմանագրի կազմակերպության (ՀԱՊԿ) անդամ պետությունների գագաթնաժողովը տեղի կունենա Մոսկվայում՝ մայիսի 16-ին: Ինչպես հայտնում է Ria.ru-ն՝ այս մասին տեղեկացրել է Ռուսաստանի նախագահի մամուլի քարտուղար Դմիտրի Պեսկովը։
Նա նշել է, որ գագաթնաժողովի մասնակիցները հանդիպում կանցկացնեն և կշփվեն աշխատանքային նախաճաշի ձևաչափով:
«Մայիսի 16-ին ՀԱՊԿ-ի 30-ամյակի կապակցությամբ Մոսկվայում տեղի կունենա ՀԱՊԿ-ի անդամ պետությունների գագաթնաժողովը։ Կլինի և՛ առաջնորդների հանդիպում, և՛ նրանց առանձին շփում աշխատանքային նախաճաշի ձևաչափով։ Միջոցառման արդյունքի վերաբերյալ լրագրողներին տեղեկատվություն կտան ՀԱՊԿ գլխավոր քարտուղար Ստանիսլավ Զասը և ՀՀ վարչապետ Նիկոլ Փաշինյանը»,- ասել Է Պեսկովը՝ հիշեցնելով, որ Հայաստանն այժմ կազմակերպության նախագահող երկիրն է:
