Ֆուտբոլի աշխարհի առաջնության եզրափակչում Իսպանիայի հավաքականից կրած պարտությունից հետո Արգենտինայի մայրաքաղաք Բուենոս Այրեսում զանգվածային անկարգություններ են սկսվել, ինչի հետևանքով ոստիկանությունը տասնյակից ավելի ֆուտբոլասերների է ձերբակալել, գրել է Mirror-ը։
Երկրպագուները հավաք են անցկացրել, որն սկզբում ընթացել է խաղաղ պայմաններում։ Իրավիճակը փոխվել է կեսգիշերից հետո, երբ նրանցից ոմանք փորձել են կոտրել ազգային հուշարձան հանդիսացող Օբելիսկի պաշտպանիչ ցանկապատերը, ինչից հետո իրավապահների ու երկրպագուների միջև բախում է սկսվել։
Ըստ արգենտինական լրատվամիջոցների՝ անկարգությունների մասնակիցներն սկսել են ապակյա շշեր և այլ առարկաներ նետել ոստիկանների ուղղությամբ, իսկ վերջիններս ամբոխը ցրելու նպատակով կիրառել են արցունքաբեր գազ և ջրցան մեքենաներ։
Խաղադաշտում նույնպես վեճեր են գրանցվել։ Խաղավարտից անմիջապես հետո ֆուտբոլիստների միջև ծեծկռտուք էր սկսվել, ինչի պատճառով կարմիր քարտ էր ստացել նաև արգենտինացի Լեանդրո Պարեդեսը՝ իսպանացի Էրիկ Գարսիային հարվածելու համար։
Իսպանիայի հավաքականը ֆուտբոլի աշխարհի առաջնության եզրափակչում երկրորդ անգամ նվաճել էր ֆուտբոլի աշխարհի առաջնության գավաթը՝ լրացուցիչ ժամանակում 1:0 հաշվով հաղթելով գործող չեմպիոն Արգենտինային։
