Իրանում սկսվել են երկրի հանգուցյալ գերագույն առաջնորդ Ալի Խամենեիի հրաժեշտի արարողությունները, որոնց մասնակցում է նաև ՀՀ վարչապետ Նիկոլ Փաշինյանը, հայտնել են ՀՀ կառավարությունից։
Փաշինյանն այսօր՝ հուլիսի 3-ի առավոտյան ժաամանել է Թեհրան։ Mehr-ի տվյալներով՝ արարողություններին մասնակցելու համար Իրան են ժամանել ավելի քան 30 երկրի բարձրաստիճան պաշտոնյաներ և ներկայացուցիչներ, այդ թվում՝ Ռուսաստանից, Չինաստանից, Պակիստանից, Հնդկաստանից, Վրաստանից և Կուբայից։
Թեհրանի «Մեհրաբադ» միջազգային օդանավակայանում ՀՀ վարչապետին դիմավորել է Իրանի նախագահի տեղակալ Սեյեդ Համիդ Փուրմոհամմադին:
Հրաժեշտի արարողությունները կշարունակվեն Թեհրանում՝ կանցկացվի հուղարկավորության երթ, այնուհետև արարողություններ են նախատեսված Ղոմում, Բաղդադում, Քերբելայում և Նաջաֆում։ Խամենեիին կհուղարկավորեն հուլիսի 9-ին՝ Մաշհադում։
