Իսրայելի կողմից Իրանի վրա իրականացված հարվածներից վիրավորվել է առնվազն 15 մարդ, հայտնում է ՏԱՍՍ-ը՝ հղում անելով Իրանի շտապ բժշկական օգնության կազմակերպության ղեկավար Ջաֆար Միադֆարի։
«Մեկ մարդ դեռևս հիվանդանոցում է, իսկ 14 վիրավոր դուրս է գրվել բժշկական օգնություն և անհրաժեշտ միջամտություններ ստանալուց հետո», - նրա խոսքերը մեջբերել է Tasnim լրատվական գործակալությունը: Ըստ Միադֆարի՝ 14 մարդ գտնվում էր Խուզեստան նահանգի Բանդար Մահշահր քաղաքում, իսկ մեկը՝ Թեհրանում։
Հունիսի 7-ի երեկոյան Իրանը հրթիռային հարվածներ էր հասցրել Իսարյելի հյուսիսային շրջաններին՝ ի պատասխան Լիբանանում Իսրայելի գործողությունների: Թեհրանը նախկինում զգուշացրել էր, որ կհարվածի Իսրայելին, եթե հարձակվի Լիբանանի մայրաքաղաքի վրա:
Հունիսի 8-ի գիշերը հրեական պետությունը պատասխան հարված էր հասցրել Իրանին՝ թիրախավորելով երկրի արևմտյան և կենտրոնական շրջաններում գտնվող ռազմական թիրախները: Արդյունքում վնասվել են Խուզեստան նահանգի նավթաքիմիական գործարանի օբյեկտները: Առավոտյան Իսլամական Հանրապետությունը պատասխանել է Իսրայելի հարձակմանը՝ կրկին հրետակոծելով նրա տարածքը:
