ՀՀ խորհրդարանական ընտրությունների նախնական արդյունքների կապակցությամբ «Քաղաքացաիական պայմանագիր» կուսակցության վարչապետի թեկնածու Նիկոլ Փաշինյանը մի շարք շնորհավորանքներ է ստացել տարբեր երկրների ղեկավարներից։
Շնորհավորողների թվում են Ղազախստանի նախագահ Կասիմ-Ժոմարտ Տոկաևը, Վրաստանի նախագահ Իրակլի Կոբախիձեն, Ֆրանսիայի նախագահ Էմանուել Մակրոնը, Եվրահանձնաժողովի նախագահ Ուրսուլա ֆոն դեր Լայենը, ինչպես նաև այլ պետությունների ու եվրոպական ինստիտուտների ղեկավարներ։
Տոկաևն առաջիններից մեկն է շնորհավորել Փաշինյանին՝ դեռևս մինչև Հայաստանի ԿԸՀ-ի կողմից քվեարկության նախնական արդյունքների հրապարակումը։ Իր ուղերձում Տոկաևը պատրաստակամություն է հայտնել շարունակել ակտիվ համագործակցությունը բարեկամ Հայաստանի հետ փոխադարձ հետաքրքրություն ներկայացնող բոլոր ոլորտներում։
Կոբախիձեն նշել է, որ անհամբեր սպասում է սերտ համագործակցության շարունակությանը՝ Վրաստանի և Հայաստանի միջև ռազմավարական գործընկերությունն ու բարեկամական հարաբերությունները ամրապնդելու համար։ Լատվիայի նախագահ Էդգարս Ռինկևիչսը, շնորհավորելով Փաշինյանին, հայտնել է, որ Հայաստանն ընտրել է իր սեփական ժողովրդավարական ուղին՝ ի հեճուկս սպառնալիքներին և ահաբեկմանը։
Ընտրություններում տարած հաղթանակի կապակցությամբ Փաշինյանին շնորհավորել են Եվրոպական խորհրդի նախագահ Անտոնիու Կոշտան, Եվրահանձնաժողովի նախագահ Ուրսուլա ֆոն դեր Լայենը, Եվրոպական խորհրդարանի նախագահ Ռոբերտա Մեցոլան։
ԵՄ առաջնորդները պատրաստակամություն են հայտնել շարունակել համագործակցությունը Հայաստանի հետ էներգետիկայի, առևտրի, թվայնացման և բարեփոխումների աջակցության ոլորտներում։
Մեցոլան իր ուղերձում նշել է, որ ակնկալում է շարունակել ԵՄ-ՀՀ հարաբերությունների ամրապնդումը՝ հիմնվելով «նորացված տեմպի վրա»։
Մակրոնն իր շնորհավորականուղերձում հայտարարել է, որ ակնկալում է շարունակել աշխատանքը Փաշինյանի հետ՝ ի շահ երկու երկրների ժողովուրդների, ինչպես նաև պատրաստակամություն է հայտնել համատեղ ջանքերով ավելի ամրապնդել երկկողմ համագործակցությունը, սատարել խաղաղությունն ու Հայաստանի ինքնիշխանությունը և խթանել երկրի մերձեցումը Եվրոպայի հետ։
Ուկրաինայի նախագահ Վոլոդիմիր Զելենսկին քվեարկության արդյունքներն անվանել է Հայաստանի ինքնիշխանության ու անկախության, ինչպես նաև սեփական ապագան ինքնուրույն որոշելու հայ ժողովրդի իրավունքի հաղթանակ։ Նա նշել է որ ցաանկանում է համագործակցել ՀՀ-ի հետ և հավելելլ, որ հիմա այն պահն է, որ ԵՄ-ն «իրական աջակցություն ցուցաբերի Հայաստանին, որպեսզի մարդիկ զգան, որ իրենց կյանքն ավելի լավն է Եվրոպայի հետ»։
Լեհաստանի վարչապետ Դոնալդ Տուսկը իր ուղերձում նշել է, որ ՀՀ-ն հաստատեց անվանել է իր եվրոպամետ ուղղությունը, և սա կարևոր ազդանշան է, որ տարածաշրջանի ապագան դեռ գրվելու փուլում է։
Էստոնիայի վարչապետ Քրիստեն Միխալը և Մոլդովայի նախագահ Մայա Սանդուն նույնպես վերահաստատել են համագործակցության շարունակությունը։
Հունիսի 7-ին Հայաստանում անցկացվել են Ազգային ժողովի ընտրություններ, որոնց մասնակցել է 18 քաղաքական ուժ՝ 16 կուսակցություն և 2 դաշինք։ Ընտրությանը, ԿԸՀ տվյալներով, մասնակցել է 1 477 736 (58,94%) մարդ՝ 2 503 976 ընտրողից:
