Իրանը պահանջել է, որ Քուվեյթն անհապաղ ազատ արձակի Պարսից ծոցում նավի հետ կապված միջադեպից հետո ձերբակալված Իսլամական Հանրապետության չորս քաղաքացու, հայտարարել է Իրանի արտաքին գործերի նախարար Աբբաս Արաղչին։
X-ում հրապարակված տեքստի համաձայն՝ Քուվեյթի ուժերն «անօրինական կերպով հարձակվել են իրանական նավի վրա» Քուվեյթի Բուբիյան կղզու մոտակայքում, որը, ըստ Թեհրանի, օգտագործվել է Միացյալ Նահանգների կողմից Իրանի դեմ հարվածներ հասցնելու համար։ Արաղչին Քուվեյթի գործողություններն անվանել է «անկայունություն սերմանելու» փորձ և ընդգծել, որ Թեհրանն իրավունք ունի արձագանքել։
Մայիսի 12-ին Քուվեյթի ներքին գործերի նախարարությունը հայտնել էր, որ չորս ձերբակալված Իրանի քաղաքացի, ծովով երկիր անօրինական մուտք գործելու փորձից հետո, խոստովանել էր Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանում) հետ կապերի և Էմիրության դեմ «թշնամական գործողություններ» պլանավորելու մասին։
Նախարարության տվյալներով՝ խումբը փորձել էր ձկնորսական նավակով ներթափանցել Բուբիյան կղզի։ Քուվեյթի ուժերի հետ բախման ժամանակ հարձակվողները կրակ էին բացել՝ վիրավորելով մեկ զինծառայողի։ Խմբի երկու անդամ փախուստի էր դիմել։
