ԱՄՆ-ն Իրանին առաջարկել է 48-ժամյա հրադադար, սակայն Թեհրանը հրաժարվել է առաջարկից՝ առանց գրավոր պատասխանի՝ փոխարենը նախընտրելով հակահարված տալ Մերձավոր Արևելքում, հայտնել է «ՌԻԱ Նովոստին»՝ հղում անելով Fars լրատվական գործակալությանը։
«ԱՄՆ-ն, բարեկամ երկրի միջոցով, առաջարկել է 48-ժամյա հրադադար։ Իրանի պատասխանն այս առաջարկին չի արվել գրավոր, այլ մարտադաշտում՝ շարունակելով ծանր հարձակումները»,- հաղորդում է գործակալությունը։
Fars-ը կարծում է, որ ԱՄՆ-ն, իբր, այս նախաձեռնությունը ձեռնարկել է Մերձավոր Արևելքում ճգնաժամի սրման և ամերիկյան զինվորականների համար լուրջ խնդիրների ի հայտ գալու պատճառով։
ԱՄՆ-ն ու Իսրայելը փետրվարի 28-ին լայնածավալ ռազմական գործողություն էին սկսել Իրանի դեմ: Իրանն ի պատասխան՝ հարվածներ էր հասցրել Իսրայելին և տարածաշրջանի մի շարք երկրներում ԱՄՆ-ի թիրախներին:
