ՀՀ գլխավոր դատախազությունը պահանջում է Ազգային ժողովի «Հանրապետական» խմբակցության նախկին պատգամավոր Կարեն Ավագյանից հօգուտ Հայաստանի Հանրապետության բռնագանձել 10 անշարժ գույք և դրամական միջոցներ, տեղեկանում ենք դատախազությունից։
Նշվում է, որ Հակակոռուպցիոն դատարանը վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ Ավագյանին առնչվող հայցադիմումը:
Ըստ դատախազության հաղորդագրության՝ Ավագյանի 10 անշարժ գույքից 3-ը գտնվում է Երևանի Կենտրոն վարչական շրջանում։ Ավագյանից դատախազությունը պահանջում է բռնագանձել 12 մլն 718 հազար դրամ՝ որպես ապօրինի դրամական միջոցների մնացորդ։
