Հայ թենիսիստուհի Էլինա Ավանեսյանն առողջական խնդիրներով պայմանավորված ժամանակավոր դադարից հետո հաջողությամբ վերադարձել է կորտ՝ հաղթելով Ostrava Open-ի առաջին փուլում, հայտնել է մրցաշարի կայքը:
Մեկնարկային խաղում Ավանեսյանը 6։3, 2։6, 6։3 հաշվով հաղթել է Ճապոնիայի ներկայացուցիչ Մոյուկա Ուչիջիմային՝ երկրորդ փուլում հանդես գալու իրավունք նվաճելով։
Մրցաշարը տեղի է ունենում Չեխիայի Օստրավա քաղաքում՝ հունվարի 31-ից փետրվարի 7-ը։
Այս արդյունքն Ավանեսյանի առաջին հաղթանակն էր 2025 թվականի հուլիսից ի վեր, երբ նա հասել էր Յասիի մրցաշարի երկրորդ փուլ։ Մոնոնուկլեոզի պատճառով մարզուհին կարողացել էր մասնակցել միայն երկու մրցաշարի և բաց թողել 2026 թվականի Ավստրալիայի բաց առաջնությունը։
Հայաստանի ներկայացուցիչը 2025 թվականի սեպտեմբերին ընդմիջում էր վերցրել՝ առողջական խնդիրների պատճառով։ Նախորդ տարի թենիսիստուհին դժվարին շրջան էր անցել՝ դուրս մնալով Ուիմբլդոնի, Ֆրանսիայի բաց առաջնության և ԱՄՆ-ի բաց առաջնության առաջին փուլից։ Այս ընթացքում նրա վարկանիշային աղյուսակը 36-րդ տեղից իջել է մինչև 149-ը։
