Իսլամական հեղափոխության պահապանների կորպուսը (ԻՀՊԿ) պնդել է, որ Բահրեյնի ռազմաբազայում գտնվող ԱՄՆ 5-րդ նավատորմի վառելիքի ամբարները ոչնչացվել են, փոխանցել է իրանական Fars գործակալությունը։
Տեղեկատվության համաձայն՝ ԻՀՊԿ-ն հարվածներ է հասցրել բազայի հրամանատարական և կառավարման կենտրոնին, պահեստամասերի ու զինտեխնիկայի խոշոր պահեստներին, ինչպես նաև վառելիքի ռեզերվուարներին։
ԱՄՆ-ի և Իսրայելի ռազմական գործողությունն Իրանի դեմ սկսվել էր փետրվարի 28-ին։ Հունիսի 18-ին ԱՄՆ-ն և Իրանը հուշագիր էին ստորագրել երկու երկրների միջև ռազմական գործողությունները դադարեցնելու վերաբերյալ:
ԱՄՆ-ն ու Իրանը հուլիսի 7-ից վերսկսել էին փոխադարձ հարվածները։ Իրանը հուլիսի 12-ին հայտնել էր, որ Հորմուզով անցումը կվերսկսվի միայն իրավիճակի կարգավորումից հետո։
Իրանի խորհրդարանի ազգային անվտանգության հանձնաժողովի նախագահ Իբրահիմ Ազիզին հուլիսի 14-ին հայտնել էր, որ Իրանը Հորմուզի նեղուցով անցման վճարովի մեխանիզմ է մշակել։
