Եվրոպական քաղաքական համայնքի գագաթնաժողովի և եվրոպացի առաջնորդների այցին ընդառաջ՝ մայրաքաղաքում հայտնվել են պաստառներ, որոնցում կոչ է արվում աջակցել Ադրբեջանում պահվող հայ գերիների ազատմանը։
Քաղաքում տեղադրված պաստառներում եվրոպացի առաջնորդներին ուղղված կոչ կա՝ ակտիվացնել ջանքերը Բաքվում պահվող հայ գերիների ազատման ուղղությամբ։
Պաշտոնական տվյալներով՝ Ադրբեջանում շարունակում է մնալ 19 հայ ռազմագերի, այդ թվում՝ Արցախի ռազմաքաղաքական ղեկավարները։
Նախաձեռնության հեղինակները շեշտում են միջազգային ճնշման անհրաժեշտությունը՝ գերիների վերադարձն ապահովելու և նրանց իրավունքները պաշտպանելու համար։
Մայիսի 3-5-ը Երևանում կայանալու է Եվրոպական քաղաքական համայնքի գագաթաժողովը, մայիսի 5-ին տեղի կունենա ՀՀ-ԵՄ գագաթնաժողովը։
