Արդեն մի քանի տասնյակ թեկնածու առաջադրվել է 2026 թվականի խորհրդարանական ընտրությունների «Քաղաքացիական պայմանագրի» ընտրացուցակում, որոնց թվում են ինչպես գործող պատգամավորներ, այնպես էլ շարքային կուսակցականներ, գրել է «Հապարակ» օրաթերթը՝ հղում անելով իր աղբյուներին։
Ըստ թերթի՝ ՔՊ խմբակցության անկուսակցական անդամ Անդրանիկ Քոչարյանն առաջադրվել է նախընտրական ցուցակում ֆրակցիայի ղեկավար Հայկ Կոնջորյանի երաշխավորությամբ։ Պատգամավոր Գագիկ Մելքոնյանը նախ ՔՊ-ին անդամագրվելու դիմում է ներկայացրել, որ 1,5 միլիոն դրամի փոխարեն 500 հազար վճարի թեկնածությունը գրանցելու համար: Սերգեյ Բագրատյանն արդեն ՔՊ անդամ է դարձել ու առաջադրվել, իսկ Շիրակ Թորոսյանն ու Խաչատուր Սուքիասյանը չեն առաջադրվել, տեղեկացրել է թերթը։ Ընտրացուցակում առաջադրված շարքային ՔՊ անդամների թվում է օրինակ Civic.am կայքի լրագրող Դավիթ Լևոնյանը։
ՔՊ-ն քննարկում է նաև պրոֆեսիոնալ մասնագետների ցուցակում ընդգրկելու հարցը, որպեսզի ունենան լավ տնտեսագետներ, ֆինանսիստներ, քաղաքագետներ և այլ մասնագիտության մարդիկ:
ՔՊ վարչությունն առաջիկա օրերին կորոշի, թե ինչ սկզբունքով է տեղի ունենալու պատգամավորության թեկնածուների ընտրությունը։ Նրանց ընտրելու են ՔՊ արտահերթ համագումարում մարտի վերջերին, տեղեկացրել է լրատվականը։
