ՀԷՑ-ի իրացման նորանշանակ փոխտնօրեն, «Երևանի էներգաիրացման սպասարկման տնօրեն» Արման Սմբատյանը պաշտոնը ստացել է վարչապետ Նիկոլ Փաշինյանի հետ հեծանիվ քշելու և նրա հետ մտերմանալու շնորհիվ, գրում է «Հրապարակ» թերթը։
Սմբատյանն այդ պաշտոնում նշանակվել է ժամանակավոր կառավարիչ Ռոմանոս Պետրոսյանի կողմից՝ ՀԷՑ-ի պետականացման գործընթացի շրջանակներում՝ կադրային փոփոխություններից հետո։
Սմբատյանը «Քաղաքացիական պայմանագիր» կուսակցության անդամ է, մասնակցում է կուսակցության խորհրդի ընտրություններին և ընդգրկվել է կառավարության ցուցակում Երևանի ավագանու վերջին ընտրություններում։
Սակայն, ըստ թերթի, նրա նշանակման վճռորոշ գործոն է հանդիսացել Փաշինյանին հեծանվով զբոսանքների ժամանակ ուղեկցելը և «վարչապետի սիրելիների շարքում լինելը»։
ՀՀ հանրային ծառայությունները կարգավորող հանձնաժողովը հուլիսի 18-ին Պետրոսյանին նշանակել էր ՀԷՑ-ի ժամանակավոր կառավարիչ։ Նա հուլիսի 21-ին հայտնել էր, որ ընկերությունում նախատեսվում են թոփ մենեջմենթում աուդիտ և կադրային հնարավոր փոփոխություններ։ Հուլիսի 24-ին Պետրոսյանը ՀԷՑ-ի բարձրաստիճան պաշտոններում մի շարք նշանակումներ էր կատարել։
«Տաշիր» ընկերությունների խմբի նախագահ Սամվել Կարապետյանը և նրա ընտանիքը հաղթել էին Հայաստանի կառավարության դեմ նախաձեռնած արբիտրաժային հրատապ գործը՝ ՀԷՑ ընկերության պետականացման հարցով։ ՀՀ կառավարությունն արձագանքել էր այս լուրին՝ նշելով, որ Ստոկհոլմի առևտրային պալատի արբիտրաժային ինստիտուտի՝ հրատապ գործով քննված հարցերի շրջանակն այլ է, քան ժամանակավոր կառավարիչ նշանակելու որոշման նպատակները և վերջինիս կողմից իրականացվելիք գործողությունները:
Կարդացեք նաև՝
Սակագնի հետ կապված խնդիրներ, մեծ տույժեր․ Նարեկ Կարապետյանը՝ ՀԷՑ-ի պետականացման ռիսկերի մասին
Ինչո՞ւ են Սամվել Կարապետյանին կալանավորել. եկեղեցի, քաղաքականություն, ներդրումային ռիսկեր
