Հայաստանի մինչև 16 տարեկանների բասկետբոլի հավաքականը Եվրոպայի առաջնության C դիվիզիոնի A ենթախմբում հաղթել է Մալթայի ընտրանուն, հայտնում է Հայաստանի բասկետբոլի ֆեդերացիան։
Հայաստանի հավաքականն առավելության է հասել 96:46 հաշվով:
Հանդիպման ամենաարդյունավետ խաղացող է ճանաչվել Էդգար Աղաբեկյանը, որը վաստակել է 29 միավոր, 9 անգամ տիրել է անդրադարձող գնդակին և կատարել 4 արդյունավետ փոխանցում։
Առաջնության առաջին խաղում Հայաստանի հավաքականը 80:56 հաշվով հաղթել էր Մոլդովայի թիմին։ Հաջորդ խաղը մեր ընտրանին կանցկացնի հուլիսի 10-ին՝ մրցելով Ալբանիայի հավաքականի հետ։
