Skype կապի ծառայությունն այսօր՝ մայիսի 5-ից, դադարեցրել է գործունեությունը, փոխանցել է ՏԱՍՍ-ը։
Microsoft-ը, որին պատկանում է Skype-ը, մայիսի 5-ից կենտրոնացել է Teams-ի՝ հաղորդակցության և համագործակցության համար նախատեսված մեկ այլ ծառայության մշակման վրա: Skype-ից Teams-ին անցումն օգտատերերի համար անվճար է և չի պահանջում հաշվի մուտքագրման փոփոխություն:
«Ձեր բոլոր կոնտակտներն ու զրույցները կփոխանցվեն ավտոմատ կերպով։ Դուք նաև առաջիկա օրերին կստանաք ծանուցում Skype հավելվածում՝ անհրաժեշտ գործողությունները կատարելու առաջարկով»,- նշվում է տեղեկագրում։
Skype-ի տվյալներն օգտատերերի համար հասանելի կլինեն մինչև 2026 թվականի հունվար՝ «նրանց ժամանակ տալու համար, որպեսզի որոշեն, թե ի՞նչ անել դրանց հետ»։ Տվյալներն ինքնուրույն կջնջվեն, եթե մինչև 2026 թվականի հունվար որևէ գործողություն չձեռնարկվի։
