ԱՄՆ նախագահ Դոնալդ Թրամփը և նրա վարչակազմը պատրաստ են բանակցել այլ երկրների հետ՝ մեղմացնելու իրենց մաքսային քաղաքականությունն առանձին պետություններից առանձին առևտրային զիջումների դիմաց, հայտնում է The Wall Street Journal-ը։
Միևնույն ժամանակ, ըստ WSJ-ի, Սպիտակ տանը հանգիստ են վերաբերվում ԱՄՆ ֆոնդային բորսաներում և օտարերկրյա գործարար շրջանակների ու կառավարությունների միջև ծագած «քաոսին»։ Ամերիկացի բարձրաստիճան պաշտոնյաների խոսքերով՝ հետևանքներն այնքան լուրջ չեն, որքան կարելի էր սպասել: Նրանցից մեկը WSJ-ին ասել է, որ ֆոնդային շուկաներն «ընդամենը 3%-ով իջել են»:
«Վարչակազմի անդամների մեծ մասն արդեն հոգնել է ներմուծման մաքսատուրքերի թեմայից, որի գլխավոր ջատագովը նախագահ Թրամփն է։ Սակագների համապարփակ դրույքաչափերի ներդրումը Սպիտակ տանը պետք է թույլ տա մաքսատուրքերից իր ուշադրությունը տեղափոխել տնտեսական այլ խնդիրների լուծմանը, մասնավորապես՝ ԱՄՆ-ում հարկերի դրույքաչափերի նվազեցմանը, գրում է WSJ-ն։
Կայքը նաև նշում է, որ համապարփակ սակագների վերջնական տարբերակը որոշվել էր մինչև այս շաբաթ, նախագահը երկար ժամանակ չէր կարողանում ընտրել համընդհանուր սակագների միջև բոլոր երկրների համար մեկ դրույքաչափով և յուրաքանչյուր երկրի համար անհատական դրույքաչափերով: Թրամփին դուր է եկել հենց այն միտքը, որ ներմուծվող մաքսատուրքերն ԱՄՆ պատասխանն են արտասահմանում ամերիկյան բիզնեսի ենթադրյալ խախտումներին։
«Ի վերջո՝ որոշում է կայացվել գնալ հիբրիդային ճանապարհով, բայց նույնիսկ նախագահի կողմից սակագների մասին մեկ օր առաջ նրա խորհրդականները դեռ աշխատում էին այլընտրանքային տարբերակների վրա»,- եզրափակում է կայքը։
Ապրիլի 3-ին ԱՄՆ նախագահը մի շարք երկրների, այդ թվում՝ Հայաստանի համար մաքսատուրք էր սահմանել։ Հայաստանի համար սահմանված մաքսատուրքը 10% է։
