Արդեն 6 օր է, ինչ ԴՕԿ-ի ղեկավար Վարդան Ղուկասյանի գտնվելու վայրը մնում է անհայտ, հայտնել է կուսակցությունը։
Կուսակությանը փոխանցված տեղեկությունները, ըստ որոնց նա գտնվում է հիվանդանոցում, չեն հաստատվում, ինչը խորացրել է նրա անհետանալու փաստը։
«Կոչ ենք անում բոլոր այն հայրենակիցներին, ովքեր անհանգստանում են և գտնվում են արտերկրում, հավաքվել իրենց երկրներում ԱՄՆ դեսպանատան մոտ և պահանջել հստակ պատասխան, թե որտե՞ղ է Ղուկասյանը»,- գրել է ԴՕԿ-ը։
Կուսակցությունը նշել է, որ նոր հայտարարությամբ հանդես կգան՝ ներկայացնելով իրավիճակի ամբողջական մանրամասները։
USArmenianews.com-ը հայտնել էր, որ փետրվարի 20-ի երեկոյան Ղուկասյանի առողջական վիճակը կտրուկ վատացել է և նա տեղափոխվել է հիվանդանոց։ Ըստ կայքի՝ Ղուկասյանն ունեցել է սրտի խնդիր և արյան բարձր ճնշում, նրա առողջական վիճակը դեռևս գնահատվում է ծայրահեղ ծանր, կայուն և նա գտնվում է բժիշկների հսկողության տակ:
ԴՕԿ կուսակցության նախագահ Անի Խուդավերդյանը փետրվարի 21-ին մանրամասներ էր հայտնել կուսակցության առաջնորդ, բլոգեր Վարդան Ղուկասյանի առողջական վիճակի մասին
