Հայաստանի ֆուտբոլի ֆեդերացիան ամփոփել է Հայաստանի 2024 թվականի լավագույն ֆուտբոլիստի և մարզչի քվեարկության արդյունքները, հայտնում է ՀՖՖ-ն։
Իտալական «Ինտերի» կիսապաշտպան Հենրիխ Մխիթարյանը 12-րդ անգամ ճանաչվել է Հայաստանի լավագույն ֆուտբոլիստ։ Նա վաստակել է 87 միավոր։ Երկրորդ տեղը 62 միավորով զբաղեցրել է Հայաստանի հավաքականի և Սլովակիայի «Սլովանի» կիսապաշտպան Տիգրան Բարսեղյանը։ 24 միավորով լավագույն եռյակը եզրափակել է Հայաստանի ազգային հավաքականի և ռուսական «Կրասնոդարի» կիսապաշտպան Էդուարդ Սպերցյանը։
Լավագույն ֆուտբոլային մարզիչ է ճանաչվել «Փյունիկ» ՖԱ-ն գլխավորող Եղիշե Մելիքյանը, ով վաստակել է 92 միավոր։ «Նոայի» գլխավոր մարզիչ Ռուի Մոտան 67 միավորով զբաղեցրել է երկրորդ տեղը։ «Արարատ-Արմենիայի» գլխավոր մարզիչ Վարդան Մինասյանը 23 միավորով երրորդ տեղում է։
