Աղվանի բնակավայրից դեպի Տաթև, «Մեղրու սար» կոչվող հատվածում և Լծեն գյուղում ձյուն է տեղում, հայտնել է ՆԳՆ Փրկարար ծառայությունը։
Ըստ հաղորդագրության՝ Գորիս քաղաքում և Դիլիջանի ոլորաններում մառախուղ է:
Նշվում է, որ փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ տանող ավտոճանապարհը:
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։
Ծառայությունից զգուշացնում են ձմեռային անվադողերով երթևեկելու անհրաժեշտության մասին։
