Գրոսմայստեր Մանուել Պետրոսյանը դարձել է արագ շախմատի Հայաստանի չեմպիոն, հայտնում է Հայաստանի շախմատի ֆեդերացիան։
«Գրոսմայստերներ Մանուել Պետրոսյանը, Շանթ Սարգսյանը և Զավեն Անդրիասյանը 7 հնարավորից վաստակել են 6 միավոր։ Լրացուցիչ ցուցանիշներով չեմպիոն է դարձել Պետրոսյանը»,- ասված է հաղորդագրության մեջ։
Արագ շախմատում Հայաստանի փոխչեմպիոնի կոչումը նվաճել է Շանթ Սարգսյանը, իսկ լավագույն եռյակը եզրափակել է Զավեն Անդրիասյանը։ Պետրոսյանը Հայաստանը կներկայացնի արագ շախմատի աշխարհի առաջնությունում, նշել են ֆեդերացիայից։
Վետերաններից լավագույն արդյունքը գրանցել է Աշոտ Նադանյանը, կանանց մրցաշարում՝ Աննա Խաչատրյանը, իսկ մինչև 16 տարեկան տղաներից՝ Վահե Սուքիասյանը։
2023 թվականի մարտին Սերբիայում ընթացող Եվրոպայի անհատական առաջնությունում Պետրոսյանը հաղթել էր ադրբեջանցի Վուգար Ռասուլովին։
