Հայաստանի գլխավոր ռաբունապետ Գերշոն Մեիր Բուրշտեյնը մեղադրել է ադրբեջանցի ռաբունապետ Զամիր Իսաևին և Եվրոպայի ռաբունապետերին, որոնք հրեաներին կոչ են արել հեռանալ Երևանից, իսկ Եվրոպայի ռաբունապետերին՝ «կեղծ քաղաքականության» մեջ։ Հայաստանի գլխավոր ռաբունապետն Իսաևին կոչ է արել գործ ունենալ իր երկրում գտնվող հրեաների հետ։
«Մարդիկ, որոնք պետք է խաղաղություն և բարոյականություն քարոզեին իրենց երկրներում, զբաղված են նրանով, չեմ ցանկանում պնդել, բայց չեմ էլ բացառում, ենթարկվելով ֆինանսական կամ այլ գայթակղությունների՝ ցեխ են շպրտում և չար քաղաքականություն են վարելում»,- ընդգծել է Բուրշտեյնը։
Նա նաև խորհուրդ է տվել Եվրոպայի ռաբունապետերին զբաղվել իրենց հրեական գործերով։ «Ձեր հեռակա դատապարտումները, որոնք ոչ մի հիմք չունեն, ցույց տվեցին ձեր անգրագիտությունը, քանի որ ցեղասպանություն և գետտո տերմինները վաղուց օգտագործվում են և միջազգային են։ Ավելի լավ կլինի վերանայեք, թե ինչ եք անում և ինչի կարող են հանգեցնել ձեր գործողությունները։ Ես վստահ եմ, որ սա խաղաղության չի տանում»,- եզրափակել է հայ ռաբունապետը։
Սեպտեմբերի 12-ին Իսաևը կոչ էր արել Հայաստանում մնացած հրեաներին տեղափոխվել Ադրբեջան՝ իրենց անվտանգության համար։ «Եթե ուզում եք փրկվել, գնացեք Ադրբեջան. այստեղ դուք կհանդիպեք ջերմ վերաբերմունքի, կկարողանաք ստանալ քաղաքացիություն և անվտանգության երաշխիք»,- ասել էր նա իր տեսաուղերձում։
