Հատուկ բանակային կորպուսի արդեն նախկին հրամանատար Արտակ Բուդաղյանի պաշտոնանկության մի քանի վարկածներ են շրջանառվում: Այս մասին գրում է «Հրապարակ» օրաթերթը:
«Արտակ Բուդաղյանի ազատման մասին վարկածներից մեկի համաձայն՝ Արտակ Բուդաղյանի ազատման պատճառը մեկ ամիս առաջ Կապանի դիքերում գրանցված միջադեպն է, մինչդեռ նրա շրջապատը բացառում է, որ պատճառը դա լինի, քանի որ մինչ այդ ավելի աղմկոտ միջադեպեր են եղել, բայց նա չի ազատվել։ Ըստ վարկածներից մյուսի, Բուդաղյանը վերջերս որոշ շրջանակներում քննարկել է բանակի վիճակը, իշխանություններին քննադատել, ինչի մասին տեղեկանալով՝ որոշել են պատժել հրամանատարին»։
Հիշեցնենք, որ նախագահ Վահագն Խաչատուրյանի հրամանագրով փետրվարի 1-ին Արտակ Բուդաղյանն ազատվել է հատուկ բանակային կորպուսի հրամանատարի պաշտոնից։ Նրա փոխարեն հրամանատար է նշանակվել Արմեն Գյոզալյանը։ Նշենք, որ 2021-ի օգոստոսին Հայաստանում ստեղծվել է հատուկ բանակային կորպուս։ Նորաստեղծ կորպուսի հրամանատար էր նշանակվել Արտակ Բուդաղյանը։
Մանրամասները՝ «Հրապարակ օրաթերթի» այսօրվա համարում:
