Իրանը դադարեցրել է ԱՄՆ թիրախների ուղղությամբ պատասխան հարվածները՝ իր տարածքի վրա ամերիկյան հարձակումների դադարեցումից հետո. այս մասին հայտնել է Իրանի զինված ուժերի ներկայացուցիչ Մոհամադ Աքրամինիան։
«Վերջին երկու գիշերվա ընթացքում ամերիկացիները դադարեցրել են իրենց հարձակումները։ Քանի որ, ինչպես նախկինում նշել էի, մեր ռազմավարությունը հիմնականում պատասխան գործողությունների բնույթ էր կրում, մենք նույնպես դադարեցրել ենք պատասխան գործողությունները», - նրա խոսքերն է մեջբերել ՏԱՍՍ-ը։
Ավելի վաղ Axios-ը՝ վկայակոչելով իր աղբյուրները, հայտնել էր, որ ԱՄՆ նախագահ Դոնալդ Թրամփը հրահանգել էր ամերիկյան զինվորականներին հուլիսի 24-ին նոր հարվածներ չհասցնել Իրանին։
Շաբաթ երեկոյան Իրանի վրա ԱՄՆ հարվածների մասին որևէ տեղեկություն չի հայտնվել։ Այնուամենայնիվ, ԱՄՆ-ն նախկինում 13 գիշեր անընդմեջ ռմբակոծել էր Իրանը։
Հունիսի 18-ին ԱՄՆ-ն և Իրանը հուշագիր էին ստորագրել երկու երկրների միջև ռազմական գործողությունները դադարեցնելու վերաբերյալ:
ԱՄՆ-ն ու Իրանը հուլիսի 7-ից վերսկսել էին փոխադարձ հարվածները, ավելի ուշ հայտնի էր դարձել, որ Իրանի իշխանությունները կասեցնում են ԱՄՆ-ի հետ հունիսի 18-ին ստորագրված փոխըմբռնման հուշագրով ստանձնած իրենց պարտավորությունները։
