Աշխարհի առաջնության կիսաեզրափակիչ փուլում Ֆրանսիայի ֆուտբոլի ազգային հավաքականի՝ Իսպանիայի ընտրանուց կրած պարտությունից հետո Փարիզում և Լիոնում բախումներ են տեղի ունեցել, ավելի քան 100 մարդ է ձերբակալվել, հայտնում է BFMTV-ն՝ հղում անելով ոստիկանությանը։
Դեպքերի մեծ մասը կապված էր ոստիկանների և փրկարարների ուղղությամբ պիրոտեխնիկական միջոցներ արձակելու հետ։ Լիոնում ոստիկանությունն արցունքաբեր գազ է կիրառել հավաքվածներին ցրելու համար, ձերբակալվել է 20 մարդ։ Զգալի նյութական վնասի կամ տուժածների մասին չի հաղորդվել։
LiveMint-ը ևս հայտնել է Ֆրանսիայի մի շարք քաղաքներում անկարգությունների, ոստիկանների հետ բախումների և գույքի վնասման մասին։ Միաժամանակ, պարբերականը նշել է, որ չի կարողացել ինքնուրույն ստուգել սոցցանցերում տարածված տեսանյութերի իսկությունը։
Ֆրանսիայի հավաքականը կխաղա աշխարհի առաջնության երրորդ տեղի համար, իսկ Իսպանիան դուրս է եկել եզրափակիչ։
Հուլիսի 14-ի ազգային տոնի և ֆուտբոլային հանդիպման կապակցությամբ Ֆրանսիայի ամբողջ տարածքում ներգրավվել էր 70 000 ոստիկան և ժանդարմ։ Փարիզում և մերձակա շրջաններում հերթապահում էր 7000 ոստիկան ու ժանդարմ և 2000 հրշեջ։
Կարդացեք նաև
Մեկ քայլ՝ մինչև եզրափակիչ․ հայտնի են ԱԱ-2026-ի կիսաեզրափակիչ զույգերը
ԱԱ-2026․ Ֆրանսիան՝ կիսաեզրափակչում է․ անկարգություններ՝ հաղթանակի ֆոնին
ԱԱ-2026․ հետաձգված որակազրկում, զանգ Սպիտակ տնից, ՈՒԵՖԱ-ի կոշտ արձագանք
