ՀՀ հակակոռուպցիոն կոմիտեն հայտնել է «Ուժեղ Հայաստան» կուսակցությունից ընտրակաշառք պահանջելու դեպքի և մի շարք ձերբակալվածների մասին։
ՀԿԿ-ի տվյալներով՝ Արարատի մարզի մի շարք բնակիչներ «Ուժեղ Հայաստան» կուսակցության Մասիս համայնքի գրասենյակի ներկայացուցիչներից պահանջել են իրենց տալ ընտրակաշառք՝ Ազգային ժողովի ընտրություններին կուսակցության օգտին քվեարկելու և համակիրներ հավաքագրելու պայմանով։
Կոմիտեից տեղեկացրել են նաև, որ կատարվել են վարութային գործողություններ։
Նախընտրական փուլում իրավապահ մարմինները հրապարակում էին նյութեր, որոնցում դաշինքի ներկայացուցիչները մեղադրվում են բարեգործության մասին օրենքը խախտելու, կաշառք տալու և խոստանալու մեջ։ «Ուժեղ Հայաստան» դաշինքում մեղադրանքները քաղաքական էին անվանել։ Հունիսի 14-ին դաշինքի պատգամավորի թեկնածու Դավիթ Ղազինյանը հայտարարել էր, որ ընտրակաշառքի հետ կապված բոլոր մեղադրանքները հիմնված չեն փաստական տվյալների վրա և իրավապահներին կոչ էր արել փաստեր հրապարակել, եթե այդպիսիք կան։
Դաշինքի առաջնորդ Սամվել Կարապետյանը հունիսի 8-ին հայտնել էր, որ թիմում կալանավորվածների թիվն ացնում է 700-ը, որոնցից միայն 75-ը կալանավորվել էր ԱԺ ընտրությունների օրը։ Նա նաև հայտնել էր, որ միայն ԱԺ ընտրությունների օրը՝ հունիսի 7-ին, շտաբների պետերին ու պատասխանատուներին՝ թվով 150 անձ, ձերբակալել էին։
Հունիսի 7-ին կայացած ընտրություններում «Ուժեղ Հայաստանն» ստացել էր 23,271% (340 006 ձայն)՝ դառնալով խորհրդարան անցնող երկրորդ ուժը։
