Փաստաբան Վաչե Սիմոնյանը հայտնել է Երևանի «Զվարթնոց» օդանավակայանում հունիսի 12-ին ձերբակալված ռուսաստանցի բլոգեր և մաթեմատիկոս Միխայիլ Վերբիցկու ազատ արձակման մասին:
Սիմոնյանը այդ մասին ասել է Armenia Today-ին, պարզաբանելով, որ Վերբիցկու ազատ արձակումը կապված էր օրենքով սահմանված 72-ժամյա ձերբակալման ժամկետը լրանալու հետ:
Ավելի վաղ գիտնականի ձերբակալության մասին հայտնել էր РБК-ն՝ հղում անելով Երևանի օդանավակայանի ոստիկանության բաժնին։ 2024 թվականի նոյեմբերին Ռուսաստանում Վերբիցկու դեմ քրեական գործ էր հարուցվել ահաբեկչության կոչերի հոդվածով։ Նրան սպառնում է մինչև յոթ տարվա ազատազրկում։
Նրա խոսքով՝ ձերբակալության 3 օրերի ընթացքում ՌԴ-ից արտահանձման պահանջ չի ստացվել։
Փաստաբանի տվյալներով՝ Վերբիցկուն ձերբակալել են ՌԴ-ի կողմից հետախուզման մեջ գտնվելու հիման վրա և հայտնի չէ, թե կստանա՞ն արդյոք ՌԴ-ից արտահանձման հարցում ապագայում, թե ոչ։ Նա հավելել է, որ պարզ չէ նաև մեղադրանքը, քանի որ ՌԴ-ից գործի նյութեր չեն ուղարկվել իրենց։
Միևնույն ժամանակ, փաստաբանը չի բացառել, որ բլոգերի նկատմամբ կարող է կիրառվել երկրից մեկնելու սահմանափակում:
«Իր ազատությունն այս պահին չի ենթադրում, որ նա կարող է ՀՀ սահմանն անխոչընդոտ լքել։ Մենք փորձելու ենք կարգավորել այդ հարցը, քամի որ այն շատ կնճռոտ է․ ՀՀ-ում դա կարգավորումից դուրս է մնացել։ Դեպքեր կան, որ մարդկանց մերժում են հեռանալ»,- պարզաբանեց նա:
Վերբիցկունին 2025 թվականի սկզբին հետախուզման մեջ էր հայտարարվել և ընդգրկվել ահաբեկիչների ու ծայրահեղականների ցանկում Ուկրաինայում Ռուսաստանի ռազմական գործողությունը Նա քննադատելուց հետո։
Ավելի վաղ գիտնականի ձերբակալության մասին հայտնել էր РБК-ն՝ հղում անելով Երևանի օդանավակայանի ոստիկանության բաժնին։ 2024 թվականի նոյեմբերին Ռուսաստանում Վերբիցկու դեմ քրեական գործ էր հարուցվել ահաբեկչության կոչերի հոդվածով։ Նրան սպառնում է մինչև յոթ տարվա ազատազրկում։ 2025 թվականի սկզբին մաթեմատիկոսը հետախուզման մեջ էր հայտարարվել և ընդգրկվել ահաբեկիչների ու ծայրահեղականների ցանկում։
Վերբիցկին երկար ժամանակ դասավանդել է Տնտեսագիտության բարձրագույն դպրոցի մաթեմատիկայի ֆակուլտետում։ Նա քննադատել է Ուկրաինայում Ռուսաստանի ռազմական գործողությունը և որպես Բրազիլիայի Մաքուր և կիրառական մաթեմատիկայի ազգային ինստիտուտի (IMPA) աշխատակից ստորագրել գիտնականների բաց նամակը ռազմական գործողությունների դեմ։
