Կենտրոնական ընտրական հանձնաժողովը հրապարակել է 204 ընտրատեղամասից ստացված 54 678 քվեաթերթիկների հաշվարկի (ընտրատեղամասերի մոտ 9,2%-ը) արդյունքները։
- «Քաղաքացիական պայմանագիր» կուսակցություն (16) — 54,72% (29 920 ձայն)
- «Ուժեղ Հայաստան» դաշինք (3) — 21,92% (11 757 ձայն)
- «Հայաստան» դաշինք (17) — 8,69% (4662 ձայն)
- «Բարգավաճ Հայաստան» կուսակցություն (7) — 5,05% (2707 ձայն)
- «Միասնության թևեր» կուսակցություն (6) — 2,34% (1255 ձայն)
- «Դեմոկրատիա, օրենք և կարգապահություն» կուսակցություն (15) — 1,26% (674 ձայն)
- «Լուսավոր Հայաստան» կուսակցություն (19) — 1,17% (627 ձայն)
- «Բոլորին դեմ եմ» կուսակցություն (2) — 0,82% (438 ձայն)
- «Նոր ուժ» կուսակցություն (5) — 0,72% (386 ձայն)
- Հայաստանի շնորհապետական կուսակցություն (4) — 0,57% (308 ձայն)
- «Հանրապետություն» կուսակցություն (18) — 0,38% (205 ձայն)
- «Քոչարի՝ ազգային վերածնունդ և ազգի զարթոնք» կուսակցություն (9) — 0,48% (259 ձայն)
- «Ժողովրդավարական համախմբում» կուսակցություն (14) — 0,23% (125 ձայն)
- Ազգային-ժողովրդավարական բևեռ (8) — 0,22% (117 ձայն)
- Հայ ազգային կոնգրես (10) — 0,16% (85 ձայն)
- Ռեֆորմիստների կուսակցություն (1) — 0,08% (43 ձայն)
- Քրիստոնեա-ժողովրդավարական կուսակցություն (12) — 0,11% (61 ձայն)
- «Հանուն հանրապետության» կուսակցություն (18) — 0,08% (42 ձայն)
Հանձնաժողովը հրապարակել է նաև էլեկտրոնային քվեարկության արդյունքները։ Էլեկտրոնային եղանակով քվեարկելու իրավունք ունեցող քաղաքացիների թիվը 537 էր, որոնցից մասնակցել է 410-ը։ 22 քվեաթերթիկ անվավեր է ճանաչվել։
Էլեկտրոնային քվեարկության արդյունքների համաձայն՝ «Քաղաքացիական պայմանագիր» կուսակցությունն ստացել է 330 ձայն, «Ուժեղ Հայաստան» դաշինքը՝ 13, «Միասնության թևեր» կուսակցությունը՝ 13, իսկ «Հայաստան» դաշինքը՝ 8։ «Բոլորին դեմ եմ» և «Բարգավաճ Հայաստան» կուսակցությունները ստացել են 5-ական ձայն, «Հանրապետություն» կուսակցությունը՝ 4, «Նոր ուժ» կուսակցությունը՝ 3, իսկ «Ժողովրդավարական համախմբում», «Դեմոկրատիա, իրավունք, կարգապահություն» և «Լուսավոր Հայաստան» կուսակցությունները՝ 1-ական ձայն։
Ավելի վաղ ՀՀ Կենտրոնական ընտրական հանձնաժողովի նախագահ Վահագն Հովակիմյանը հայտարարել էր, որ համապետական ընտրությունները միանշանակ կայացել են: Քվեարկությանը մասնակցել է ձայնի իրավունք ունեցող 2 503 976 ընտրողից 1 477 334-ը կամ քաղաքացիների 58,97%-ը։
