Հակակոռուպցիոն կոմիտեն Հայաստանի կադաստրի կոմիտեի նախկին ղեկավար Մանուկ Վարդանյանին մեղադրում է Հայ Առաքելական եկեղեցուն պետական պատմամշակութային հուշարձաններն անհատույց հիմունքներով հանձնելու մեջ, հայտնում է «Դատալեքս» դատաիրավական կայքը:
Ըստ գործի նյութերի՝ Վարդանյանը, զբաղեցնելով Կադաստրի պետական կոմիտեի նախագահի պաշտոնը, դեպարտամենտի մասնագետ Լիանա Քոչարյանի հետ համատեղ, գործելով նախնական համաձայնությամբ, դիտավորությամբ չի կատարել ծառայողական պարտականությունները, ինչը հանգեցրել է ծանր հետևանքների:
Մեղադրող կողմի տվյալներով՝ արդյունքում՝ եկեղեցուն անհատույց օգտագործման իրավունքով հանձնվել են պատմամշակութային ժառանգության օբյեկտ հանդիսացող հուշարձաններ։ Վարդանյանի նկատմամբ որպես խափանման միջոց է ընտրվել գրավը:
Գործը դատարան էր մուտքագրվել ապրիլի 9-ին, դատավոր է նշանակվել Մերի Մոսինյանը:
Վարդանյանը Կադաստրի պետական կոմիտեի նախագահի պաշտոնն զբաղեցրել է 1999-2009թթ., հանդիսացել է ՀՀ նախագահի խորհրդական 1999-2010թթ., ինչպես նաև ՀՀ տրանսպորտի և կապի նախարար 2010-2012թթ.:
