ԱՄՆ նախագահ Ջո Բայդենը Կալիֆոռնիայում ելույթի ժամանակ հայտարարել է շուտով «Իրանն ազատագրելու» իր մտադրության մասին, գրում է Bloomberg-ը։
Ըստ աղբյուրի, Բայդենը խոսել է ամերիկացի վետերանների համար առողջապահական խնամքի հասանելիության իրավիճակի մասին, բայց հետո անցել է իրանական թեմային՝ պատասխանելով ներկաներից մեկի կոչին՝ այս հարցը բարձրացնելու վերաբերյալ:
«Մի անհանգստացեք, մենք կազատագրենք Իրանը»,- ասել է Բայդենն ու անմիջապես հավելել, որ Իրանն ինքն իրեն կազատագրի։
Ամերիկացի առաջնորդն այլ մանրամասներ չի հայտնել, սակայն ներկաները նրա խոսքերին արձագանքել են հավանության բացականչություններով։
