ԱՄՆ նախագահ Դոնալդ Թրամփն այցելել է Մեծ Բրիտանիա, ինչն ուղեկցվել է ակցիայով, գրում է Sky News-ը։
Նշվում է, որ ակտիվիստները Թրամփի նկարները փակցրել են «մանկապիղծ Ջեֆրի Էփշտեյնի կողքին»՝ Վինձորի ամրոցում․ Թրամփին մեղադրում են նախկինում Էփշտեյնի հետ շփումների և նամակագրական կապ ունենալու մեջ։ Թրամփը, սակայն, հերքում է, որ նամակներ է ուղարկել նրան, ինչի մասին վերջինս գրել էր 2003-ի իր գրքում։
The Guardian-ը հավելել է, որ ակցիայի ժամանակ չորս մարդ է ձերբակալվել։
Էփշտեյնն ամերիկացի ֆինանսիստ էր, որը հայտնի էր սկանդալներով։ Նա շատ հարուստ մարդկանց և քաղաքական գործիչների հետ էր շփվում։ 2019-ին նրան ձերբակալել էին անչափահասների սեռական շահագործման և մանկապղծության մեղադրանքով։ Նրան կալանավորել էին, բայց նա բանտում մահացել էր․ պաշտոնապես հայտարարել էին ինքնասպանության մասին։ Թրամփը նաև մի քանի լուսանկար ունի նրա հետ՝ միջոցառումների վայրերից։
