Արմավիրի մարզի Փարաքար համայնքի ղեկավարի պաշտոնակատարի նախնական ընտրություններում հաղթել է նախկին համայնքապետ Լյուդվիգ Գյուլնազարյանը։ Ձայների հաշվարկը կատարվել է ուղիղ եթերում։
Գյուլնազարյանի օգտին քվեարկել է 594 անձ։ Արփինե Առաքելյանը ստացել է 89 ձայն, Կարեն Երեմյանը՝ 29, Մհեր Հարությունյանը՝ 30, Արման Մնացականյան՝ 27, Գոռ Սարիբեկյանը՝ 180։
Դեկտեմբերի 28-ին Փաշինյանը հայտարարել էր Փարաքար համայնքում հունվարի 11-13-ը նախնական ընտրություններ՝ փրայմըրիզ անցկացնելու մասին։ Ըստ նրա՝ թեկնածուների գրանցումից հետո Փարաքարում՝ Գյումրիի օրինակով, տեղի կունենա նախնական քվեարկություն, որի արդյունքում հաղթած թեկնածուն կնշանակվի Փարաքարի ղեկավարի պաշտոնակատար և 95 և ավել տոկոս հավանականությամբ՝ արտահերթ ընտրություններում կգլխավորի ՔՊ-ի համամասնական ցուցակը։ Ընտրությունները տեղի կունենան մարտի վերջին։
Փարաքար խոշորացված համայնքի ղեկավար, «Քաղացիական պայմանագիր» կուսակացության ներկայացուցիչ Գյուլնազարյանը հրաժարական էր ներկայացրել նոյեմբերի 18-ին։ ԶԼՄ-ները նրա հրաժարականը կապել են նոյեմբերի 16-ին Երևանի Աջափնյակ համայնքի Նազարբեկյան փողոցում տեղի ունեցած սպանության հետ։
Նոյեմբերի 26-ին վարչապետը հայտարարել էր փրայմըրիզ՝ Գյումրու ժամանակավոր ղեկավարի ընտրության համար։ Ընտրությունների արդյունքներով նա համայնքի ղեկավարի ժամանակավոր պաշտոնակատար էր նշանակել Սարիկ Մինասյանին։
