ԱՄՆ-ում լրագրողն արհեստական ​​ինտելեկտի ստեղծած տեքստերով հոդվածներ է հրապարակել

ԱՄՆ Վայոմինգ նահանգի Cody Enterprise փոքր թերթի լրագրողը լքել է աշխատանքը՝ երկու ամիս շարունակ իր հոդվածներին արհեստական ​​ինտելեկտի (AI) կողմից ստեղծված մեջբերումներ ավելացնելուց հետո, հայտնում է ABC-ն։

Նշվում է, որ 40-ամյա Ահարոն Պելչարը, ով նոր է լրագրության ասպարեզում, հասցրել է յոթ հոդված գրել՝ յոթ տարբեր մարդկանց վերագրվող մտացածին մեջբերումներով։ Նրանց թվում է Վայոմինգի նահանգապետ Մարկ Գորդոնը։

Կեղծիքները հայտնաբերել է մրցակից թերթի` Powell Tribune-ի աշխատակիցը: Նա պարբերաբար կարդում էր Cody Enterprise-ի հրապարակումները և նկատել է, որ հոդվածների նախադասություններից շատերը ռոբոտային են։ Միևնույն ժամանակ, մեջբերումները նրան բավականին իրական էին թվում։

Սա առաջին դեպքը չէ, երբ լրատվամիջոցներն օգտագործում են արհեստական ​​ինտելեկտի ստեղծած տեքստերը։ Նոյեմբերի վերջին Futurism-ի լրագրողները մեղադրել էին Sports Illustrated-ին՝ նեյրոնային ցանցի միջոցով ստեղծված կեղծ հեղինակների հոդվածներ հրապարակելու մեջ։ Ամսագրի հրատարակիչը հերքել է մեղադրանքները, սակայն խնդրահարույց հեղինակային պրոֆիլներն անհետացել են կայքից։