Միրզոյան-Բայրամով բանակցություններն ավարտվել են առանց պայմանավորվածությունների

Հայաստանի և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի հանդիպումն ավարտվել է առանց պայմանավորվածությունների։

Հայկական գերատեսչության մամուլի ծառայությունից հայտնել են, որ «շարունակելու են քննարկել բաց հարցերը»։

Հանդիպման թեման երկրների միջև խաղաղության համաձայնագրի նախագիծն էր։ Այն տեղի է ունեցել Բեռլինում փետրվարի 28-ին և 29-ին։

Ավելի վաղ Հայաստանի ԱԳՆ-ն հայտնել էր ՀՀ և Ադրբեջանի ԱԳ նախարարների բանակցությունների երկրորդ օրվա մեկնարկի մասին։