«Պատանի երաժիշտների դասական Եվրատեսիլ 2026» մրցույթում հաղթել է Լեհաստանի ներկայացուցիչ Միհալ Ստոչելը, հայտնում է «Արմենպրեսը»։
Նա կատարել է Միկոլայ Մայկուսիակի «Դասական կոնցերտ»՝ ակորդեոնի համար ստեղծագործությունը։ Հայաստանի պատվիրակը՝ 15-ամյա ֆլեյտահարուհի Էլեն Վիրաբյանը, զբաղեցրել է 3-րդ հորիզոնականը՝ Արամ Խաչատրյանի «Ջութակի կոնցերտը» կատարումով։
«Պատանի երաժիշտների դասական Եվրատեսիլ»-ում Հայաստանն առաջին անգամ ներկայացրել էր քանոնահար Նարեկ Կազազյանը՝ 2012 թվականին։ Հաջորդ մասնակցությունը 12 տարի անց էր՝ 2024 թվականին. Հայաստանը ներկայացրել էր հոբոյահար Հայկ Հեքեքյանը։
Այն մասին, որ պատմության մեջ առաջին անգամ մրցույթը կանցկացվի Երևանում 2026 թվականին, հայտնի էր դարձել դեռևս 2024 թվականի հոկտեմբերի 21-ին։
«Պատանի երաժիշտների Եվրատեսիլը» (Eurovision Young Musicians) միջազգային մրցույթ է, որը կազմակերպվում է Եվրոպական հեռարձակողների միության (EBU) կողմից 1982 թվականից: Մինչև 18-19 տարեկան երաժիշտները կատարում են դասական ստեղծագործություններ, իսկ հաղթողին ընտրում է պրոֆեսիոնալ ժյուրին: ՀՀ կառավարությունը մրցույթի կազմակերպման նպատակով 665 միլիոն դրամ էր հատկացրել։
