Ուժային կառույցների ղեկավարներն առաջիկա օրերին ԱԺ-ում հաշվետվություն կներկայացնեն. ԶԼՄ

Առաջիկա օրերին Ազգային ժողովը կվերածվի ուժային կառույցների ղեկավարների՝ 2025 թվականի տարեկան հաշվետվությունների հարթակի, գրել է «Ժողովուրդ» օրաթերթը։

Մասնավորապես, խորհրդարանի պետական-իրավական հանձնաժողով են հրավիրվել ՀՀ գլխավոր դատախազ Աննա Վարդապետյանը, ՀՀ ներքին գործերի նախարար Արփինե Սարգսյանը և ՀՀ քննչական կոմիտեի նախագահ Արթուր Պողոսյանը:

Թերթի տեղեկություններով՝ գործընթացը մեկնարկում է այսօր՝ փետրվարի 24-ին, Ազգային ժողովում իր տարեկան հաղորդումը կներկայացնի Հակակոռուպցիոն կոմիտեի նախագահ Արթուր Նահապետյանը: