Ռուս լրագրող և բլոգեր Քսենիա Սոբչակը տեսաուղերձ է ձայնագրել, որում աջակցություն է հայտնել կալանավորված գործարար Սամվել Կարապետյանին: Սոբչակը գործարարին անվանել է խոշորագույն ներդրող, բարերար, ինչպես նաև Հայաստանի իրական հայրենասեր։
«Երբ ես կարդում եմ, որ Կարապետյանն սպառնալիք է հայկական պետության համար, ուզում եմ բոլորիդ ընկերներին հարցնել՝ դուք հստակ հասկանո՞ւմ եք, թե ով է Սամվելը։ Նա նկուղում ինքնաձիգով մարդ չէ։ Նա մարդ է, որի ձեռքին լամպ է, բառացի իմաստով: Ոչ թե ավազակ, այլ ՀԷՑ-ի ղեկավար»,- նշել է նա։
Սոբչակի համոզմամբ՝ Կարապետյանին ձերբակալել են Հայ Առաքելական եկեղեցուն սատարելու համար:
«Գործարարը բարձրաձայն ասել է այն, ինչի մասին բոլորը նախընտրում են լռել։ Միևնույն ժամանակ՝ նրանք որոշեցին օրենքները հարմարեցնել իրենց կարիքներին, որպեսզի պարզապես խլեն նրա բիզնեսը, հենց ինչպես դասագրքում: Սկզբում դժգոհություն է հայտնում, հետո անմիջապես սպառնում պետությանը, հետո ազգայնացնում են, քանի որ վատն է»,- վստահ է Սոբչակը։
Հունիսի 19-ին դատարանը երկու ամսով կալանավորել էր Կարապետյանին, երբ նա քննադատել էր Ամենայն Հայոց կաթողիկոսի և հոգևորականների դեմ Հայաստանի իշխանությունների արշավը: Փաշինյանը խիստ էր արձագանքել Կարապետյանի հայտարարությանը: Ավելի ուշ ՔԿ-ն Armenia Today-ին հայտնել էր իշխանությունը զավթելու կոչեր անելու մեղադրանքով Կարապետյանին կալանավորելու միջնորդության մասին։ Գործարարը չի ընդունում մեղադրանքը և մտադիր է բողոքարկել այն եվրոպական դատարանում:
Կարդացեք նաև՝
Ինչո՞ւ են Սամվել Կարապետյանին կալանավորել. եկեղեցի, քաղաքականություն, ներդրումային ռիսկեր
«Չուլանացված» եկեղեցիներից մինչև կաթողիկոսի փոփոխության կոչ․ ի՞նչ օրակարգ է փորձում պարտադրել Փաշինյանը
