Գյումրիում հունիսի 19-ին հնչած կրակոցների դեպքի առթիվ Քննչական կոմիտեում նախաձեռնվել են քրեական վարույթներ, Armenia Today-ին հայտնեց ՔԿ մամուլի խոսնակ Կիմա Ավդալյանը։
Ըստ նրա՝ գործերն առնչվում են Քրեական օրենսգրքի 195-րդ հոդվածի 2-րդ մասի 5-րդ կետով (Մի խումբ անձանց կողմից ֆիզիկական ներգործությունը, պատժվում է ազատազրկմամբ՝ առավելագույնը 2 տարով), 297-րդ հոդվածի 3-րդ մասով (Խուլիգանությունը, պատժվում է ազատազրկմամբ՝ առավելագույնը 5 տարով) և 335-րդ հոդվածի 1-ին մասով (Հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը, պատժվում է ազատազրկմամբ՝ առավելագույնը 5 տարով) նախատեսված արարքների հետ:
Հունիսի 23-ին հայտնել էինք, որ վիճաբանություն էր տեղի ունեցել Գյումրիի Հաղթանակի պողոտայում գործող «Գյումրի» հացատան դիմաց: Վեճի մասնակիցներից մեկը հրազենով մի քանի կրակոց էր արձակել: Shamshyan.com-ի տվյալներով՝ մեկ մարդ վիրավորվել էր կրակոցի, երկուսը՝ ծեծկռտուքի հետևանքով:
