Ըստ արևելյան հորոսկոպի՝ Կանաչ Փայտե օձի տարին սկսվում է ոչ թե 2025 թվականի հունվարի 1-ին, այլ հունվարի 29-ին և կավարտվի, համապատասխանաբար, նաև ոչ թե օրացուցային տարվա վերջին օրը, այլ 2026 թվականի փետրվարի 16-ին, գրել է «Ռիա Նովոստին»։
Առնետ (ծննդյան տարիներ՝ 1936, 1948, 1960, 1972, 1984, 1996, 2008, 2020, 2032թթ.)
Առնետների համար 2025 թվականը շատ դրական տարի կլինի։ Ձեր կարիերայում և մասնագիտական ոլորտում հաջողություններ կլինեն արագ մտածողության և նորարար լուծումների միջոցով: Այնուամենայնիվ, գալիք տարում ձեր նպատակներին հասնելը մեծ ջանքեր կպահանջի։ Որքան շատ ջանք, այնքան ավելի շատ պարգևներ: Լավ տարի չէ ռոմանտիկ հարաբերությունների համար, բայց որքան զարգացնեք ձեր անհատականությունը, այնքան ավելի մեծ հաջողություն կունենաք սիրո մեջ: Ինչ վերաբերում է առողջությանը, ապա պետք է հատկապես ուշադիր հետևել ինքնազգացողությանը: Եթե ի հայտ են եկել հիվանդության ախտանշաններ, անպայման դիմեք բժշկի։
Վիշապ (ծննդյան տարիներ՝ 1936, 1940, 1952, 1964, 1975, 1988, 2000, 2012, 2024թթ.)
2025 թվականը վիշապներին կայունություն կբերի, կտրուկ փոփոխություններ չեն սպասվում։ Տարվա երկրորդ կեսը մասնագիտական ոլորտում աճի ու զարգացման նոր հնարավորություններ կբացի։ Ֆինանսական վիճակը նույնպես կայուն կլինի, սակայն նոր բիզնեսում որոշակի խոչընդոտների ու դժվարությունների հանդիպելու վտանգ կա։ Բայց, միևնույն ժամանակ, վիշապները կարող են հույսը դնել ընկերների և գործընկերների աջակցության և օգնության վրա: Նշանի միայնակ ներկայացուցիչները հնարավորություն կունենան հանդիպել իրենց սիրուն։ Առողջական առումով տարին խոստանում է բարենպաստ լինել, բավականաչափ ուժ ու եռանդ կունենաք, իսկ առողջ ապրելակերպը կօգնի պահպանել առողջությունը։
Կապիկ (ծննդյան տարիներ՝ 1944, 1956, 1968, 1980, 1992, 2004, 2016, 2028 թթ․)
Կապիկներին հեշտ տարի չի սպասվում։ 2025 թվականը կլինի փոփոխությունների տարի, և դուք կարող եք դիմակայել որոշ մարտահրավերների: Բայց նյութական ոլորտում այն, ընդհանուր առմամբ, կայուն կլինի։ Աշխատավայրում քրտնաջան աշխատելն անպայման արդյունք կտա, օրինակ՝ առաջխաղացումով կամ աշխատավարձի բարձրացմամբ։ Սիրո և հարաբերությունների ոլորտում նույնպես դժվարությունների հանդիպելու վտանգ կա։ Նշանի միայնակ ներկայացուցիչները պետք է ավելի շատ ջանք ու նախաձեռնություն ցուցաբերեն իրենց կեսին հանդիպելու համար։ Ամուսնացած կապիկները կարող են վեճեր և տարաձայնություններ ունենալ գործընկերների հետ: Առողջական առումով չի կարելի բացառել խնդիրները, ուստի պետք է ավելի ուշադիր հետևել ձեր վիճակին։
Ցուլ (ծննդյան տարիներ՝ 1933, 1937, 1949, 1961, 1973, 1985, 1997, 2009, 2021, 2033 թթ.)
Սպասվում է, որ 2025 թվականը բարենպաստ կլինի ցուլերի համար. այն դրական փոփոխություններ կբերի կարիերայում, ֆինանսներում և անձնական կյանքում։ Ցուլերը կարող են հաջողությամբ փոխել աշխատանքը կամ նույնիսկ գործունեության ուղղությունը, իսկ եկամուտը խոստանում է աճել: Բայց սիրային առումով՝ ամեն ինչ կարող է այնքան էլ լավ չընթանալ: Ավելի լավ է չսկսել գրասենյակային սիրավեպեր՝ ապագայում խնդիրներից խուսափելու համար։ Ձեր առողջությունն այս տարի կարող է տուժել գերբեռնվածության և սթրեսի պատճառով, ուստի կարևոր է պահպանել առողջ ապրելակերպը և ժամանակ գտնել հանգստի համար։
Օձ (ծննդյան տարիներ՝ 1929, 1941, 1953, 1965, 1977, 1989, 2001, 2013, 2025, 2037 թթ.)
Օձերի համար գալիք տարին չի կարող լավագույն շրջանը լինել։ Այդ իսկ պատճառով խորհուրդ է տրվում զգուշությամբ ընդունել որոշումներ, որոնք կարող են արմատապես փոխել ձեր կյանքը։ Չի կարելի բացառել խնդիրներն ու խոչընդոտները տարբեր ոլորտներում՝ թե՛ տանը, թե՛ աշխատավայրում: Բայց դուք չպետք է հուսահատվեք, պետք է փորձեք պահպանել լավատեսական վերաբերմունք և ավելի շատ ճկունություն ցուցաբերեք: Համառությունն ու կենտրոնացումը կօգնեն ձեզ հասնել հաջողության: Պատրաստ եղեք շտկելու ընթացիկ պլաններն ու նախագծերը և ուղղելու անցյալում թույլ տված սխալները: Ֆինանսական վիճակը կայուն կլինի, եկամուտները դանդաղ կաճեն։ Սիրո և հարաբերությունների մեջ հնարավոր են հիասթափություններ։ Ընտանեկան հարաբերություններում չեն բացառվում թյուրիմացությունները, վեճերը, տարաձայնությունները։ Փորձեք ավելի շատ ուշադրություն և համբերություն ցուցաբերել։ Առողջական առումով պետք է փորձել դադար վերցնել գերծանրաբեռնվածությունից ու ժամանակին հանգստանալ՝ լարվածությունը թոթափելու համար։
Աքաղաղ (ծննդյան տարիներ՝ 1945, 1957, 1969, 1981, 1993, 2005, 2017, 2029 թթ․)
Աքաղաղների համար 2025 թվականը կլինի մեծ հնարավորությունների տարի։ Դա մասնագիտական ոլորտում առաջընթաց ու հաջողություն կբերի, իսկ ձեր գաղափարները կստանան ազդեցիկ մարդկանց աջակցությունը։ Ֆինանսական վիճակը խոստանում է կայուն լինել, առկա եկամուտները կարող են աճել, բացի այդ՝ կհայտնվեն եկամտի նոր աղբյուրներ։ Այնպես որ, ծախսերի մեջ խոհեմ լինելով և ռիսկերից խուսափելով՝ ֆինանսական դժվարություններից խուսափելու իրական հնարավորություն կա։ Աշխատեք ավելի շատ ուշադրություն դարձնել ձեր սիրելիներին, մի՛ արհամարհեք նրանց հետաքրքրություններն ու խնդրանքները։ Աստղերի բարերար ազդեցությունը կնպաստի լավ առողջությանը, բայց, միևնույն ժամանակ, անհրաժեշտ է պահպանել լավ մարզավիճակը և պարբերաբար բուժզննում անցնել։
Վագր (ծննդյան տարիներ՝ 1938, 1950, 1962, 1974, 1986, 1998, 2010, 2022, 2034 թթ.)
Վագրերի համար գալիք 2025 թվականը լինելու է խառը տարի՝ ինչպես վերելքներով, այնպես էլ անկումներով: Աշխատանքում, ինչպես նաև գործընկերների հետ հարաբերություններում, դժվարությունների հանդիպելու վտանգ կա։ Ճիշտ է, փորձագետը խորհուրդ է տալիս չհուզվել, քանի որ բոլոր փոփոխություններն այս կամ այն կերպ դեպի լավն են լինելու, իսկ ամենադժվար պահին օգնությունն անսպասելիորեն կգա։ Նյութական առումով գումար աշխատելու, եկամուտն ավելացնելու նոր հնարավորություններ կհայտնվեն։ Ոչ ստանդարտ լուծումներն ու նոր տեխնոլոգիաների կիրառումը կօգնեն ձեզ բարձրանալ կարիերայի սանդուղքով: Առողջ մնալու համար կարևոր է ձեռք բերել առողջ սովորություններ, ինչպիսիք են կանոնավոր վարժությունները և օրվա ճիշտ ռեժիմը: Ձեր սննդակարգում անպայման ներառեք թարմ մրգեր ու բանջարեղեն:
Ձի (ծննդյան տարիներ՝ 1942, 1954, 1966, 1978, 1990, 2002, 2014, 2026 թթ.)
Ձիու տարում ծնվածների համար 2025 թվականը բավականին դրական կլինի։ Փորձեք բաց չթողնել հնարավորությունները, որոնք առաջանում են ձեր կյանքն է՛լ ավելի լավը դարձնելու համար։ Բանականությունն ու նորարար մտածողությունը կօգնեն արագ լուծումներ գտնել և արդյունավետորեն հաղթահարել աշխատանքային բոլոր խնդիրները։ Ձեր ղեկավարն անպայման կնկատի դա և կգնահատի ձեր ունակությունները։ Հնարավոր է, որ ձեր կարիերան բարձրանա, իսկ եկամուտները նկատելիորեն ավելանան։ 2025 թվականին սիրո և հարաբերությունների ոլորտը կայուն կլինի, ինչը կամրապնդվի
ընտանեկան հարաբերություններով, միայնակ մարդիկ՝ կամուսնանան, իսկ ամուսնացած զույգերը կարող են ակնկալել երեխաների ծնունդ։ Ձիու տարում ծնվածների առողջությունը նույնպես լավ կլինի, բայց դրա համար պետք է հավատարիմ մնալ առողջ ապրելակերպին և սպորտով զբաղվել։
Շուն (ծննդյան տարիներ՝ 1946, 1958, 1970, 1982, 1994, 2006, 2018, 2030 թթ.)
2025 թվականը շան տարում ծնվածների համար հաջող կլինի կարիերայի առումով։ Աշխատավայրում լավ հարաբերությունները գործընկերների ու վերադասի հետ կպահպանվեն, առկա խնդիրներն ու տարաձայնությունները հաջողությամբ կլուծվեն։ Պետք է բաց չթողնել այն բարենպաստ հնարավորությունները, որոնք կտա ճակատագիրը։ Օրինակ՝ ձեր արժանիքների ճանաչման շնորհիվ առաջխաղացում ստանալու հնարավորություն կա։ Բայց, միևնույն ժամանակ, անհրաժեշտ է կատարելագործվել մասնագիտության մեջ և մանրակրկիտ պլանավորել ամեն ինչ։ Սիրո և հարաբերությունների առումով լավ տարի է լինելու, բայց սա լավագույն շրջանը չէ առողջության համար։ Դուք պետք է ավելի շատ հոգ տանեք ձեր մասին, ժամանակին այցելեք ձեր բժշկին, նվազեցնեք ձեր ծանրաբեռնվածությունը, ավելի շատ հանգստանաք և քայլեք մաքուր օդում:
Նապաստակ (ծննդյան տարիներ՝ 1939, 1951, 1963, 1975, 1987, 1999, 2011, 2023, 2035 թթ.)
Նապաստակները 2025 թվականին չպետք է ակնկալեն կտրուկ վերելքներ և վայրէջքներ ինչպես անձնական կյանքում, այնպես էլ աշխատանքի մեջ: Որպեսզի ավելիին հասնեք ձեր մասնագիտության, ուսման կամ ֆինանսների ոլորտում, ստիպված կլինեք մեծ ջանքեր գործադրել։ Այսպիսով` կարիերայի սանդուղքով առաջ գնալու համար անհրաժեշտ է բարելավել ձեր որակավորումը և ստանալ լրացուցիչ կրթություն: Տարին դրական կլինի սիրո և հարաբերությունների համար։ Նշանի միայնակ ներկայացուցիչներին այն բազմաթիվ նոր ծանոթություններ է խոստանում, սակայն սիրային հիասթափություններից ոչ ոք պաշտպանված չէ, ուստի զուգընկեր ընտրելիս զգույշ եղեք։ Ինչ վերաբերում է առողջությանը, ապա այստեղ ազդեցությունը երկակի է. այս տարի պետք է հետևել առողջ ապրելակերպին և հետևել սննդակարգին, այլապես կարող են խնդիրներ առաջանալ։
Այծ (ծննդյան տարիներ՝ 1931, 1943, 1955, 1967, 1979, 1991, 2003, 2015, 2027 թթ.)
Այծերի համար 2025 թվականը քիչ թե շատ կայուն է լինելու։ Թիվ մեկ առաջադրանքը ձեր դիրքը պահպանելն է: Իսկ նրանք, ովքեր կենտրոնացած են կարիերայի զարգացման վրա, հավանաբար պետք է փոխեն իրենց մոտեցումներն իրերի նկատմամբ կամ վերանայեն իրենց տեսակետները: Նյութական առումով դժվարությունները չեն կարող բացառվել, խնայողությունները կարող են շատ արագ նվազել։ Պետք է զգույշ լինեք ֆինանսական գործարքների ժամանակ, ավելի լավ է վարկ չվերցնել: Լավ տարի կլինի սիրո և հարաբերությունների համար: Նշանի միայնակ ներկայացուցիչները հնարավորություն ունեն ծանոթանալու զուգընկերոջ հետ, ընտանիքի անդամները՝ ամրապնդել հարաբերությունները և պահպանել կայունություն։
Խոզ (ծննդյան տարիներ՝ 1947, 1959, 1971, 1983, 1995, 2007, 2019, 2031 թթ․)
Խոզերին դժվար տարի է սպասվում։ Ցանկալի նպատակին հասնելու ճանապարհին կարող են առաջանալ չնախատեսված խոչընդոտներ ու դժվարություններ։ Սխալվելու հավանականությունը բավականին մեծ կլինի, ուստի աշխատանք և նախագծեր կատարելիս պետք է ավելի զգույշ և ուշադիր լինել։ Ճիշտ կլինի լավ հարաբերություններ պահպանել գործընկերների ու ղեկավարության հետ, իսկ անհրաժեշտության դեպքում՝ ավելի համբերատար ու զսպվածություն ցուցաբերել։ Պետք է ուշադրություն դարձնել նաև ֆինանսական հարցերին. ծախսերը կարող են չափազանց մեծանալ եկամուտների համեմատ։ Աշխատանքի մեջ ջանասիրությունը կօգնի ձեզ հասնել եկամուտների ավելացման։ Սիրո և հարաբերությունների ոլորտում ամեն ինչ չէ, որ հարթ կլինի։ Նշանի միայնակ ներկայացուցիչները նոր հարաբերություններում կարող են հանդիպել խաբեության ու հիասթափության։ Վաղուց հաստատված հարաբերություններ ունեցողների, ինչպես նաև ամուսնական զույգերի համար կարևոր է ըմբռնումով վերաբերվել միմյանց և պահպանել դրական վերաբերմունք, այլապես վեճերից ու կոնֆլիկտներից հնարավոր չէ խուսափել։ Ինչ վերաբերում է առողջությանը, ապա այս տարին լավագույնը չէ։ Չեն բացառվում քրոնիկ հիվանդությունների սրացումները, ուստի ավելի շատ հոգ տարեք ձեր մասին, վարեք առողջ ապրելակերպ և հետևեք ձեր սննդակարգին:
