ԵՊՀ ռեկտոր Հովհաննես Հովհաննիսյանն արգելել է ԱԺ պատգամավոր Գեղամ Մանուկյանի որդուն՝ կալանքի տակ գտնվող Տարոն Մանուկյանին հանձնել 3-րդ կուրսի ավարտական քննությունները։ Այս մասին տեղեկանում ենք իրավապաշտպան Ավետիք Իշխանյանի Facebook-յան գրառումից։
«Գեղամ Մանուկյանի գրառումից պարզվեց, որ Երևանի պետական համալսարանի ռեկտորի պաշտոնը զավթած քպ-ական Հովհաննես Հովհաննիսյանն արգելել է քաղբանտարկյալ Տարոն Մանուկյանին հանձնել 3-րդ կուրսի ավարտական քննությունները։ Եվ այդ ողորմելին համարվում է գիտնակա՞ն։ Հիշեցնեմ բոլորին, ազատազրկվածներն իրավունք ունեն ուսումի։ «Նախկին» իշխանությունների ժամանակ, ինձ առնվազն հայտնի է երկու նման դեպք՝ ցմահ դատապարտվածներ Արսեն Արծրունի և Մհեր Ենոքյան։ Ահա և ձեզ ժողովրդավարություն և մարդու իրավունքներ։ Եվ ի՞նչ են մտածում այս մասին Հայաստանի իրավապաշտպան կոչեցյալները»,- նշվում է Իշխանյանի գրառման մեջ։
Armenia Today-ն ավելի վաղ հայտնել էր, որ մայիսի 12-ին ձերբակալվել է ԱԺ «Հայաստան» դաշինքի պատգամավոր Գեղամ Մանուկյանի որդին՝ Տարոն Մանուկյանը։
ՔԿ-ի փոխանցմամբ՝ Տարոն Մանուկյանը ձերբակալվել է «Դիմադրություն» շարժման ցուցարարների կողմից տարեց տղամարդկանց դաժան ծեծի առթիվ հարուցված քրեական գործի շրջանակներում։
