ԱՄՆ Գերագույն դատարանը անվավեր է ճանաչել ԱՄՆ նախագահ Դոնալդ Թրամփի գործադիր հրամանագիրը, որը սահմանափակում էր ծննդյան իրավունքով քաղաքացիությունը, հայտնում է ՏԱՍՍ-ը։
Ըստ դատարանի՝ այս իրավունքը երաշխավորված է ԱՄՆ Սահմանադրությամբ։
Թրամփը սծննդյան իրավունքով քաղաքացիությունը սահմանափակող գործադիր հրամանագիրը ստորագրել էր 2025 թվականի հունվարի 20-ին իր երդմնակալությունից հետո։ Նա հանձնարարել էր պետական մարմիններին մերժել քաղաքացիություն տրամադրել Միացյալ Նահանգներում ծնված այն երեխաներին, որոնց ծնողները անօրինական կերպով գտնվում էին երկրում, ինչպես նաև եթե նորածնի մայրը ժամանակավորապես մուտք է գործել երկիր, այդ թվում՝ այլ երկրի հետ առանց վիզայի ճանապարհորդության կամ ուսանողական, աշխատանքային կամ տուրիստական վիզայով, և հայրը ԱՄՆ քաղաքացի կամ մշտական բնակիչ չէր։
Պետության ղեկավարն ինքը բացատրեց իր հրամանագիրը՝ ասելով, որ ծննդյան իրավունքով քաղաքացիության դրույթը սկզբնապես «նախատեսված էր ստրուկների երեխաների և նրանց պաշտպանության համար»։ «Սա Չինաստանի կամ այլ երկրների միլիարդատերերի համար չէ», - ընդգծել է նա։
Սահմանադրական փոփոխությունը, որը սահմանում է ծննդյան իրավունքով քաղաքացիությունը, ընդունվել է Ամերիկյան քաղաքացիական պատերազմից (1861-1865) հետո՝ չեղյալ համարելով աֆրոամերիկացիների քաղաքացիությունը մերժելու Գերագույն դատարանի 1857 թվականի որոշումը։
