Իրանի նախագահ Իբրահիմ Ռաjիսին, ի պատասխան ԱՄՆ նախագահի՝ Իրանը «ազատագրելու» խոստմանը, ասել է, որ Թեհրանը դա արել է 43 տարի առաջ, հայտնում է IRNA-ն։
«Իրանն ազատագրվել է 43 տարի առաջ և որոշել է այլևս չընկնել ձեր գերության ճիրաններում»,- ասել է Ռայիսին՝ ելույթ ունենալով իսլամական հեղափոխության կողմնակիցների հետ:
1979 թվականի փետրվարի 11-ին Իրանում տեղի է ունեցել Իսլամական հեղափոխությունը։ Երկրում իշխանությունն անցել է հոգևորականների ձեռքը՝ Իմամ Խոմեյնիի գլխավորությամբ։ 1979 թվականի գարնանը տեղի է ունեցել հանրաքվե։
Բնակչությունը քվեարկել է Իրանում Իսլամական Հանրապետության ստեղծման օգտին. ողջ իշխանությունը կենտրոնացել է հոգևորականների ձեռքում, իսկ Խոմեյնին դարձել է երկրի ղեկավարը՝ նրա հոգևոր առաջնորդը։ Նրա մահից հետո այդ պաշտոնն ստանձնել է նրա իրավահաջորդ այաթոլլա Ալի Խամենեին։
Ավելի վաղ ԱՄՆ-ի նախագահ Ջո Բայդենը հայտարարել էր, որ ԱՄՆ-ն շուտով կազատագրի Իրանը։
